Restaurohet ura, largohen dryrët e çifteve në Prizren
Prizreni çdo viti regjistron mijëra vizitorë nga Kosova e përtej. Përtej bukurive natyrore që ka Prizreni, shumë çifte vendosnin dryrë tek “Ura e Kaltër e Dashurisë” me qëllimin që të përjetësohet dashuria e tyre.
Por këtë të mërkurë është bërë largimi i këtyre dryrëve.
Burime të Klankosova.tv brenda Komunës së Prizrenit bën të ditur se kjo urë i është nënshtruar restaurimit e për këtë arsye është bërë edhe largimi i “betimit” të shumë çifteve me anë të dryrëve.
Nuk dihet nëse pas restaurimit këta dryrë do të kthehen në vendin që ishin.
Në vitin 2015 si pjesë e projektit “Aktivizimi kulturor dhe urban në Prizren”, realizuar nga artistja Doruntina Ukimeri, kjo urë mori emrin “Ura e Kaltër e Dashurisë” dhe u shndërrua në një atraksion të veçantë për shumë vizitorë.
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.