Erërat e fuqishme shkaktojnë dëme të mëdha në Pejë (Foto)

PejëPostuar: 10:07 / 06.02.2020

Komuna e Pejës të mërkurën mbrëma është përballur me erëra të fuqishme të cilat kanë shkaktuar dëme.

Mësohet se shumë shtëpive i janë dëmtuar kulmet, të cilat kanë paraqitur edhe rrezik për kalimtarët.

Durim Sheremeti, shef i kabinetit të kryetarit të Pejës, Gazmend Muhaxheri në një prononcim për Telegrafin tha se gjatë gjithë natës kanë qenë aktiv dhe nga terreni kanë parë se ka dëme jashtëzakonisht të mëdha.

“Kemi raportime nga qytetarë të shumtë që u janë shkaktuar dëme. Kemi dëmtime të banesave kolektive dhe një rrugë te shkolla ekonomike ka qenë e bllokuar pasi ka rënë një kulm”, tha Sheremeti.

Shefi i kabinetit të kryetarit Muhaxheri tha gjatë ditës do të kenë një raport të detajuar rreth dëmeve të shkaktuar nga erërat në Pejë. /Telegrafi/

GllogocKomente: 0 Kryetari Lladrovci përkujtoi dëshmorin, Nystret Halili 14:37 / 03.05.2024 Në 25-vjetorin e rënies së dëshmorit, Nystret Halili, kryetari i Komunës së Drenasit, Ramiz Lladrovci me bashkëpunëtorë, bënë homazhe duke vendosur buqeta me lule të freskëta pranë pllakës përkujtimore në varrezat e dëshmorëve dhe martirëve në...
PrishtinëKomente: 0 Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.