Gjykata Supreme obligon KQZ'në t'i kthejë në garë Zafir Berishën dhe dy kandidatë tjerë
Gjykata Supreme e Kosovës, përmes një komunikate për media, ka konfirmuar se ka miratuar ankesën e Zafir Berishës, kandidat nga subjekti politik “Nisma”, për kryetar të komunës së Prizrenit, të paraqitur kundër vendimit të Panelit Zgjedhor për Ankesa dhe Parashtresa.
“Si rrjedhim, Komisioni Qendror i Zgjedhjeve, obligohet që ta bëjë certifikimin e kandidatit në fjalë, për zgjedhjet lokale të 22 tetorit”, thuhet në vendimin e Supremes.
Po ashtu, Gjykata Supreme ka miratuar edhe ankesat e Hazbi Bajrës, kandidat nga Lidhja Demokratike e Kosovës për anëtar të Kuvendit Komunal në Istog, si dhe ankesën e Milazim Xanit, kandidat i “Nismës” për anëtar të Kuvendit Komunal, në Fushë Kosovë.
“KQZ obligohet të bëjë certifikimin e këtyre kandidatëve, për zgjedhjet lokale të 22 tetorit”, ka potencuar Gjykata Supreme e Kosovës.
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.