Komuna e Mitrovicës dhe MZHR nënshkruajnë marrëveshjen e mirëkuptimit në kuadër të Programit për Zhvillim Rajonal PZHR 2024
Kryetari i Komunës së Mitrovicës, Bedri Hamza, ka nënshkruar marrëveshjen e mirëkuptimit me ministrin e Ministrisë se Zhvillimit Rajonal Fikrim Damka, në zbatimin e projektit të përbashkët “Renovimi i Qendrës Multifunksionale “Omni Sport”, në kuadër të Programit për Zhvillim Rajonal PZHR 2024 për projekte të investimeve kapitale.
Pjesë e këtij takimi ishte edhe drejtori për Zhvillim Ekonomik dhe Turizëm, Elvis Feka.
Me këtë rast, kryetari Hamza ka falënderuar Ministrin e Zhvillimit Rajonal për përkrahjen dhe u zotua se do ta realizojë projektin me përkushtim me qëllim të përmirësimit të cilësisë së shërbimeve ndaj qytetarëve.
Ndërsa, ministri i Ministrisë së Zhvillimit Rajonal Fikrim Damka përgëzoj Komunën e Mitrovicës dhe i uroj suksese në zbatimin e projektit të përbashkët: ”Renovimi i Qendrës Multifunksionale “Omni Sport” në Mitrovicë- Lot1”.
