Komuna e Pejës shpenzon 13 mijë euro për udhëtime jashtë vendit për gjysmë viti

Sipas raportit financiar për të hyra dhe shpenzime, për periudhën nga fillimi i muajit janar deri në fund të muajit qershor, për udhëtime zyrtare dhe mëditje jashtë vendit janë shpenzuar 18 mijë euro, që krahasuar me periudhën e njëjtë të vitit të kaluar janë gati tre fish më shumë, shkruan sot Koha Ditore.

Në kodin vetëm për shpenzime të udhëtimeve zyrtare jashtë vendit figurojnë në raportin financiar 13 mijë e 195 euro, kurse vetëm për mëditje të paguara për këto udhëtimeve në raport shkruan se janë shpenzuar 4 mijë e 661 euro. Mjetet e tjera janë për akomodim dhe shpenzime të tjera në këto udhëtime.