Komuna lëshon urdhëresë për bizneset në Lipjan

Bizneset duhet t'i ndërmarrin masat si në vijim:

1. Të gjithë punëtorët në çdo biznes ku punohet janë të obliguar të shërbejnë (të punojnë) vetëm me pajisje me maska dhe dorëza.

2. Marketet ushqimore, barnatoret, furrat e bukës, obligohen të vendosin udhëzimet e shënuara në dysheme për distancë prej 2 metrave me qëllim të shmangies së kontaktit mes konsumatorëve. Të njëjtën objekt marketi ushqimor nuk mund të ketë më shumë se 10 konsumatorë, ndërsa në furra dhe barnatore jo më shumë se një konsumator në të njëjtën kohë.

3. Në markete, furra dhe biznese tjera që punojnë me karroca dore për bartje të artikujve të dezinfektojnë pas çdo shërbimi karrocat dhe mjetet e tjera të punës, tavolinat, etj.

4. Në asnjë market, furrë, zyre të bizneseve apo lokal tjetër nuk lejohet puna me aparate të kafes.

5. Bizneset që punojnë me porosi të dezinfektojnë çdo ditë automjetet me të cilat bartin artikuj me porosi. Ngasësi i automjetit me porosi patjetër të shërbej me pajisje, maskë dhe dorëza.

6. Marketet dhe shitoret me peme dhe perime nuk lejohen të ekspozojnë produktet ushqimore, peme dhe perime jashtë objekteve.

II.Për moszbatimin e këtyre masave të përcaktuara me këtë vendim ndëshkohen sipas dispozitave ligjore në fuqi.

III. Për zbatimin e kësaj Urdhërese do të kujdeset Drejtori për Inspektorat i Komunës dhe e njëjta do ti dërgohet Stacionit Policor në Lipjan. /InfoKomuna/