Kryetari Xheladini priti në takim ambasadorin e Republikës së Bullgarisë në Kosovë, Hristo Gudjev
Kryetari i Komunës së Dragashit, Bexhet Xheladini, së bashku me pjesëtarë të Kabinetit priti sot ambasadorin e Republikës së Bullgarisë në Kosovë, Hristo Gudjev.
Në këtë takim, u diskutua lidhur me përkrahjen financiare që Republika e Bullgarisë po ofron në realizimin e projekteve të ndryshme për qytetarët e Komunës së Dragashit.
Pas takimit në Zyrën e Kryetarit, përmes një ceremonie simbolike u përuruan renovimi i shkollës fillore dhe këndi i lojërave për fëmijë në fshatin Kërstec, projekte të cilat janë realizuar me mbështetje të Ambasadës së Republikës së Bullgarisë në Kosovë. Përveç këtyre projekteve, kjo ambasadë më herët ka ndihmuar edhe në furnizimin me pajisje mjekësore të QMF-së në fshatin Krushevë.
Kryetari Xheladini e falënderoi Ambasadorin Gudjev dhe taksapaguesit bullgarë për mbështetjen e ofruar dhe kërkoi që ky bashkëpunim të vazhdojë edhe në të ardhmen. Ai theksoi se Komuna e Dragashit planifikon që t'i realizojë edhe disa projekte të përbashkëta për të gjitha komunitetet që jetojnë në Dragash dhe se shpreson në mbështetjen e institucioneve të shtetit mik të Bullgarisë.
Pritet ndërtimi i urës mbi Lumin Sitnica në tri vitet e ardhshme 14:08 / 07.05.2024 Sot, është nënshkruar marrëveshja e mirëkuptimit nga Kryetari i Komunës së Lipjanit, Imri Ahmeti dhe Ministri i Mjedisit, Planifikimit Hapësinor dhe Infrastrukturës, Liburn Aliu për bashkëfinancimin e projektit ndërtimin e urës mbi Lumin Sitncica.
Kuvendi Komunal i Kamenicës mbanë mbledhje të jashtëzakonshme 12:34 / 08.05.2024 Kuvendi Komunal i Kamenicës, ka mbajtur sot mbledhjen e jashtëzakonshme, të cilën e hapi Kryesuesi i Kuvendit Komunal, Liridon Kastrati, ndërsa të pranishëm ishin: Nënkryetari Faton Jakupi, disa nga asambleistët, media dhe OJQ.
Mbahet takimi i radhës i Koordinimit Lokal për Siguri në Komunën e Suharekës 12:30 / 08.05.2024 Është cilësuar gjendje e qetë e sigurisë gjatë dy jave që kaluan në Komunën e Suharekës, gjatë takimit të radhës të mbajtur sot nga Koordimi Lokal për Siguri.
Në Komunën e Rahovecit zhvillohet takim me ekspertin e angazhuar nga GIZ 14:42 / 08.05.2024 Kryetari Latifi dhe Grupi Punues për lehtësimin e barrës administrative në Komunën e Rahovecit, pritën në takim ekspertin e angazhuar nga Shoqëria Gjermane për Bashkëpunim Ndërkombëtar (GIZ), Naim Cahani.