LDK-ja dhe AKR-ja arrijnë marrëveshje në Kamenicë
Balotazhi në Kamenicë me 19 nëntor duket se do të jetë më i nxehtë se kurrë. Me 3 nëntor u konfirmua marrëveshja ndërmjet Lëvizjes Vetëvendosje dhe AAK-së.
Sipas informacioneve të sigurta për Rilindjen e Re, LDK-ja i ka ofruar tri drejtori AKR-së dhe shumë shpejtë pritet të bëhet publike kjo marrëveshje.
E për këtë Rilindja e Re, e ka kontaktuar Nënkryetarin e LDK-së, Jeton Biçkaj, i cili a ka konfirmuar se marrëveshja me AKR-në është në proces e sipër dhe do të arrihet së shpejti.
“Po është në proces të arritjes dhe besoj që shpejt arrihet”, ka thënë fillimisht nënkryetari i LDK-së për mediumin tonë.
Ai ka thënë se kjo marrëveshje nuk do të bëhet për ndarje të pushtetit, po për fitore.
“Marrëveshja do të publikohet dhe nuk ka të bëjë me ndarje të pushtetit, por vetëm për bashkëpunim për fitore të përbashkët ndërsa pas balotazhit do te ndahen përgjegjësitë e udhëheqjes”, ka përfunduar Jeton Biçkaj.
Tashmë edhe zyrtarisht Qëndron Kastrati dhe Shaip Surdulli me 19 nëntor do ta kenë nga një mbështetës të fortë.
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.