Komuna e Lipjanit e gatshme për procesin e regjistrimit të popullsisë
Komisioni Komunal për Regjistrimin e Popullsisë në Komunën e Lipjanit, ka zhvilluar takim pune me përfaqësueset e Agjencisë së Statistikave të Kosovës – ASK, ku është diskutuar rreth përgatitjeve të nevojshme për Regjistrimin e Popullsisë, Ekonomive Familjare dhe Banesave në Kosovë, me theks të veçantë në territorin e kësaj komune.
Me këtë rast, nënkryetari Diamant Bytyqi ka shprehur edhe një herë gatishmërinë e Komunës së Lipjanit për përkrahje të plotë për ASK-në në bashkërendimin e aktiviteteve për zhvillimin sa më të mbarë të këtij projekti i cili do të filloj të realizohet në prill të këtij viti.
Nga ana tjetër përfaqësuesit nga ASK prezantuan aktivitetet që rrjedhin nga plani për Regjistrimin e Popullsisë dhe njoftuan për së afërmi Komisionin Komunal për Regjistrim, lidhur me proceset, përgatitjet dhe zhvillimet e reja rreth këtij procesi.
Ditë më parë është publikuar edhe lista finale me mbikëqyrësit e përzgjedhur, të cilët do të jenë të angazhuar në realizimin e projektit të regjistrimit.
Lista e Mbikëqyrësve:
https://askapi.rks-gov.net/.../5e0e46c2-f899-4f6b-b681...
Regjistrimi i Popullsisë, Ekonomive Familjare dhe Banesave do të zhvillohet nga data 05 Prill deri më 17 Maj 2024 në tërë territorin e Republikës së Kosovës.
Regjistrimi i Popullsisë në Kosovë për herë të fundit është realizuar në vitin 2011.
Nënshkruhet marrëveshja për zgjerimin e rrugës, urave dhe strukturave në segmentin Lëbushë - Qendra e Strellcit 18:12 / 29.04.2024 Sot, kryetari i komunës së Deçanit, Bashkim Ramosaj priti në takim Ministrin e Ministrisë së Mjedisit, Planifikimit Hapësinor dhe Infrastrukturës, Hysen Durmishi.
Funksionalizohet shërbimi i stomatologjisë në Qendrën e Mjekësisë Familjare në lagjen Arbëria në Gjilan 10:56 / 03.05.2024 Nga Komuna e Gjilanit, kanë njoftuar se tashmë qytetarët mund të marrin shërbime stomatologjike edhe në Qendrën e Mjekësisë Familjare në lagjen Arbëria.
Kryetari Hamza priti në takim Ambasadorin e Francës në Kosovë, Olivier Guerot 10:32 / 02.05.2024 Kryetari i Komunës së Mitrovicës, Bedri Hamza, sot ka pritur në takim Ambasadorin francez në Kosovë, Olivier Guerot. 
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.