Mbahet mbledhja e rregullt e Këshillit Komunal për Siguri në Bashkësi në Komunën e Suharekës

Anëtarët e KKSB-së (Këshilli Komunal për Siguri në Bashkësi) në Komunën e Suharekës, në takimin e parë për këtë vit, të cilin e ka kryesuar nënkryetarja e Komunës Mihrije Suka, në mes tjerash kanë diskutuar për këto pika të rendit të ditës:

1. Miratimi i procesverbalit nga mbledhja e kaluar;
2. Analizimi i vjedhjeve në territorin e  Komunës së Suharekës;
3. Identifikimi dhe krijimi i zonave të gjelbëruara përreth shkollave për të ruajtur hapësirën dhe sigurinë e plotë të nxënësve;
4. Informatë dhe diskutim për projektet të infrastrukturës dhe të shërbimeve që ndikojnë në sigurinë e qytetarëve; dhe
5. Trajtimi i qenve endacak.

Pas miratimit të procesverbalit nga mbledhja e kaluar, shefi i sektorit të krimeve në Stacionin policor në Suharekë, toger Vehbi Bytyçi, ka raportuar dhe ka analizuar gjendjen sa i përket rasteve të vjedhjeve në territorin e kësaj Komune.

Edhe për pikat tjera është diskutuar gjatë takimit dhe në fund janë dhënë edhe rekomandimet si:
Të rritet bashkëpunimi në mes të policisë, institucioneve dhe  komunitetit. Sipas standardeve që kërkohen të realizohen projektet  si dhe të bëhet lirimi i hapësirave publike kudo që kërkohet lirimi i tyre.

Ndërsa, në fund nga përfaqësuesit e FSK-së u bë e ditur se në Shkollën e Mesme  Profesionale “Avdyl Ramaj” janë mbajtur Ligjërata rreth vetëdijesimit të nxënësve nga mjetet shpërthyese.