Hamza: Punonjësit e administratës komunale do jenë gjithmonë në shërbim tuajin
Kandidati i PDK për Kryetar Komune, Bedri Hamza, vizitoi dje fshatrat Bajgorë, Bare, Lushtë dhe Koshtovë. Përmes një postimi në facebook, ai njoftoi se bisedoi me banorët e këtyre fshatrave për nevojat që kanë ata dhe prioritetet e qeverisjes së tij.
Hamza u zotua se punonjësit e administratës komunale do jenë gjithmonë në shërbim të qytetarëve, duke i vendosur kështu ata në qendër të vëmendjes.
“Gjithandej Mitrovicës po kërkohet ndryshimi. Me banorët e Bajgores, Bares, Lushtës dhe Koshtovës mbrëmë bashkëbiseduam për nevojat e tyre dhe prioritetet e qeverisjes sime.
Qytetarët e Mitrovicës do të jenë në qendër të vëmendjes dhe të gjithë punonjësit e administratës së komunës do të jenë gjithmonë në shërbim të tyre.
Bashkë për Mitrovicën!”, shkroi Bedri Hamza.