Në Mitrovicë pritet të punësohen 540 qytetarë
Kryetari i komunës, Agim Bahtiri dhe drejtori i operatorit ekonomik Konzerciumit ”URBAN”, Blerant Lila, sot në ambientin e komunës kanë nënshkruar kontratën për dhënien e pronës së paluajtshme të komunës në shfrytëzim – afatshkurtër, bëhet e ditur përmes një komunikate për media, përcjell InfoKomuna.
“Me anë të nënshkrimit të kësaj kontrate komuna e Mitrovicës, ka dhënë me qira objektin afarist Qendra Tregtare për periudhën 15-vjeçare, e cila është e ndërtuar në kuadër të projektit të Qendrës Multifunksionale “Omni Sport”, thuhet në komunikatë.
Bahtiri, tha se me këtë akt po bëhet zgjidhje më e mirë për funksionalizimin e pronës së paluajtshme të Komunës së Mitrovicës gjegjësisht Qendrës tregtare.
“Përmes nënshkrimit të kësaj kontrate presim që këtë ndërtesë të bukur dhe shumë funksionale operatori ekonomik Konzerciumi “URBAN” ta funksionalizojë sa më parë në mënyrë që kjo të bëhet një qendër moderne afariste, atraktive për të gjithë qytetarët e komunës së Mitrovicës, duke përfshirë edhe atë veriore”, tha Bahtiri.
Po ashtu Bahtiri, theksoi se në këtë qendër priten të punësohen rreth 540 qytetarë dhe gjithë qytetarët do të kenë mundësi të shohin brendet më të mëdha evropiane.
Ndahen 212 mijë euro për asfaltimin e rrugës Poterq – Dugajevë 10:51 / 17.05.2024 Sot, kryetari i Komunës së Klinës, Zenun Elezaj, bashkë me zëvendësministrin e Ministrisë së Planifikimit Hapësinor dhe Infrastrukturës, Hysen Durmishi, kanë nënshkruar një Memorandum bashkëpunimi për asfaltimin e rrugës Poterq-Dugajevë. 
Kryetari Latifi mban mbledhjen e radhës me drejtorët komunal 10:26 / 13.05.2024 Kryetari i Komunës së Rahovecit, Smajl Latifi, si çdo fillim javë, edhe sot ka mbajtur mbledhjen e radhës me drejtorët e drejtorive komunale.
Kryetari Idrizi pritet në takim nga kryetari Hamza 13:59 / 13.05.2024 Kryetari i Komunës së Vushtrrisë, Ferit Idrizi, ka vizituar sot gjatë ditës Komunën e Mitrovicës, ku edhe është pritur nga kryetari i kësaj komune, Bedri Hamza.
Po vazhdojnë punimet në ndërtimin e shtegut të ri për në Kalanë e Prizrenit 10:40 / 13.05.2024 Kryetari i Komunës së Prizrenit, Shaqir Totaj, ka njoftuar se janë duke vazhduar punimet në ndërtimin e shtegut të ri, me gurë, që shpie për në Kalanë e Prizrenit.