Nënëshkruhet marrëveshje për punësimin e të rinjve në Kaçanik

Në bazë të marrëveshjes së arritur, Komuna e Kaçanikut dhe organizata Help do të bashkëpunojnë me qëllim të nxitjes së punësimit dhe ndërmarrësisë tek të rinjtë e cenueshëm dhe me mundësi të kufizuara ekonomike të kësaj komune. Gjithashtu, komuna e Kaçanikut do të bashkëfinancojë këtë program lidhur me aktivitetet që do që do të zhvillohen në këtë komunë.

“Programi i Trajnimit për Vetëpunësim” mbështetet në idenë se përkrahja e të rinjve të Kosovës në ndërmarrësi i mundëson ata t’i zhvillojnë shkathtësitë që do të rrisin mundësitë e tyre për punësim dhe jetesë të qëndrueshme. Programi gjithashtu synon të shenjëstrojë të rinjtë të cilët konsiderohen të jenë në rrezik për të mbetur të papunë për kohë të gjatë tek të cilët mund të thellohet ndjenja e zhgënjimit.

Përveç komunës së Kaçanikut, ky program do të zbatohet edhe në Gjilan, Hani i Elezit, dhe Viti. "Programi i Trajnimit për Vetëpunësim" do të implementohet nga Help gjatë 15 muajve të ardhshëm. /InfoKomuna/