Nga një muaj paraburgim falsifikuesve të lejeve për armëmbajtje
Gjykata Themelore në Prishtinë ka aprovuar kërkesën e Prokurorisë Themelore në Prishtinë për caktimin e masës së paraburgimit kundër të pandehurit H.R për shkak të dyshimit të bazuar se ka kryer veprën penale “Keqpërdorim i pozitës apo autoritetit zyrtar” dhe veprën penale “Falsifikim i dokumentit zyrtar”.
Po ashtu, gjykata ka aprovuar kërkesën e Prokurorisë Themelore në Prishtinë për caktimin e masës së paraburgimit edhe kundër të pandehurit A.R për shkak të dyshimit të bazuar se ka kryer veprën penale “Falsifikim i dokumentit zyrtar” dhe “Mashtrim”.
“Të pandehurve H.R dhe A.R iu është caktuar masa e paraburgimit në kohëzgjatje prej 1 (një) muaji dhe atë duke filluar prej dt.15.02.2018 deri me dt.15.03.2018”, thotë Gjykata Themelore në Prishtinë.
Gjykata ka konstatuar se kërkesa për caktimin e masës së paraburgimit ndaj të pandehurve H.R dhe A.R është masë adekuate dhe e domosdoshme në këtë fazë të procedurës penale, për sigurimin e pranisë së tyre në procedurën penale dhe zhvillimin e pa penguar të procedurës.
Të pandehurit dyshohen të kenë falsifikuar leje për armëmbajtje për persona të ndryshëm në shkëmbim të mjeteve monetare duke bërë përfitime të kundërligjshme.
Palët kanë të drejtë ankese kundër këtij vendimi në Gjykatën së Apelit të Kosovës.
Nënshkruhet projekti për ndërtimin e qëndrimit ditor për të moshuarit, kuzhinën popullore dhe bujtinën për studentë në Gjilan 17:03 / 03.05.2024 Kryetari i Komunës së Gjilanit, Alban Hyseni, ka njoftuar se së bashku me Halil Kastratin nga shoqata “Jetimat e Ballkanit” kanë nënshkruar projektin për ndërtimin e qëndrimit ditor për të moshuarit, kuzhinën popullore dhe bujtinën për studentë.
Kryetari Haliti priti në takim shefin e UNDP-së, Nuno Queiros 14:24 / 03.05.2024 Kryetari i komunës së Vitisë, Sokol Haliti me bashkëpuntorë ka pritur sot në takim shefin e Programit të Kombeve të Bashkuara për Zhvillim (UNDP) në Kosovë, Nuno Queiros.
Kryetari Muharremaj nderoi Heroin e Kosovës, Besim Ndrecaj 14:33 / 03.05.2024 Kryetari i Komunës së Suharekës, Bali Muharremaj, bashkë më bashkëpunëtorë të tjerë komunal, kanë bërë homazhe para shtatores së Heroit të Kosovës Besim Ndrecaj, sot në përvjetorin e rënies. 
Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.