Për cilësinë e vajit, kontrollohen bizneset që ofrojnë ushqime të shpejta në Ferizaj
Inspektorati Komunal i Ferizajt ka zgjeruar aktivitetin e tij në kontrollimin e produkteve që ofrohen në treg, përkatësisht cilësisë së tyre. Një i tillë, është realizuar edhe me kontrollimin e cilësisë, përkatësisht freskisë dhe shkallës së djegshmërisë së vajit që përdoret për ushqimet e shpejta.
Nga inspektimi i kryer në gjithë zonën urbane, me kontrollin e mbi 40 subjekteve që përgatisin ushqime të shpejta, gjendja del të jetë e mirë, ku vetëm 20% e tyre nuk kanë përmbushur kushtet e nevojshme, të detektuara me pajisjet më të avancuara që bëjnë këtë matje.
Inspektorët komunal fokus kanë pasur bizneset përskaj objekteve shkollore, ku ofrohen ushqime të ndryshme të shpejta, me të cilat kryesisht ushqehen nxënësit. Si fazë e parë e këtij aksioni është paraparë zona qendër, por si i tillë ky aksion do të zgjerohet edhe në zonën rurale.
Me qëllim të ngritjes së vetëdijes tek bizneset e tilla, Inspektorati Komunal, nuk ka aplikuar gjoba përkitazi me bizneset ku është hasur mosplotësimi i këtyre kushteve, porse shumë shpejt do të nis edhe aplikimi i gjobave për këto biznese që nuk përmbushin kushtet, të parapara sipas ligjit të ushqimeve. /InfoKomuna/
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.