Për tre muaj Kaçaniku inkason rreth 60 mijë euro nga tatimi në pronë
Ekzekutivi i komunës së Kaçanikut mbajti mbledhjen, kryesuar nga kryetari Besim Ilazi, me ç’rast drejtorët raportuan për punët e kryera gjatë javës së kaluar dhe njoftuan për aktivitetet që do të mbulojnë gjatë kësaj jave, raporton InfoKomuna.
Drejtori për Ekonomi, Financa dhe Zhvillim njoftoi se është përfunduar me sukses shpërndarja e të gjitha faturave të tatimit në pronë, ndërsa inkasimi nga ky tatim deri më 21.03.2018 është në shumë prej 58, 905.00 euro e që është 17.033.00 euro më i lartë krahasuar me vitin paraprak.
Në takim drejtori për Arsim, Kulturë e Sport njoftoi për vizitën e zhvilluar nga organizata "Bonevet" me qëllim vlerësimi të kushteve për aktivizim të të njëjtës në komunën tonë. U mbajt edhe takimi me përfaqësuesit e GIZ-it gjerman lidhur me projektin YES (Rinia, Punësimi, Shkathtësitë) që do të realizohet në shkollat profesionale në tërë Kosovën.
Drejtori i sektorit të Shërbimeve Publike njoftoi për aktivitetin për pastrimin e rrugëve të qytetit, si dhe për operacionin për shpëtim kërkimin e një personi të humbur në fshatin Strazhë, aksion ky që u ndërmor në koordinim me njësitë e zjarrfikësve, policisë dhe forcave të FSKsë.
Drejtori i sektorit ë Bujqësisë dhe Zhvillimit Rural dhe pylltarisë njoftoi se ky sektor vazhdon me pranimin e aplikacioneve prej MBPZh deri më 30 mars. /InfoKomuna/
Kryetari Muharremaj nderoi Heroin e Kosovës, Besim Ndrecaj 14:33 / 03.05.2024 Kryetari i Komunës së Suharekës, Bali Muharremaj, bashkë më bashkëpunëtorë të tjerë komunal, kanë bërë homazhe para shtatores së Heroit të Kosovës Besim Ndrecaj, sot në përvjetorin e rënies. 
Vitia po shënon ditën e lirisë së shtypit 14:13 / 03.05.2024 Me rastin e 3 Majit- Ditës Ndërkombëtare të Lirisë së Shtypit, udhëheqës Institucional në krye me kryetarin e komunës së Vitisë, Sokol Haliti, përfaqësues të ambasadës britanike, policisë, KFOR-it, Klubit Rotarian, gazetarë të nivelit lokal e qendror...
Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.
Kryetari Haliti priti në takim shefin e UNDP-së, Nuno Queiros 14:24 / 03.05.2024 Kryetari i komunës së Vitisë, Sokol Haliti me bashkëpuntorë ka pritur sot në takim shefin e Programit të Kombeve të Bashkuara për Zhvillim (UNDP) në Kosovë, Nuno Queiros.