Potera: Të ndërpritet projekti i rrugës Merdar-Podujevë-Prishtinë
Anëtari i Vetëvendosjes, Ajet Potera ka kërkuar që të ndërpritet projekti i rrugës Merdare – Podujevë – Prishtinë që sipas tij është i dështuar.
Ish-kandidati i VV-së për kryetar të Podujevës ka thënë se nuk duhet të asfaltohet asnjë metër i kësaj rruge që sipas tij është projekt i rrezikshëm për qytetarët.
“Të ndërpritet menjëherë vazhdimi i projektit të dështuar të rrugës magjistrale Merdare – Podujevë – Prishtinë. Projekt ky që ka filluar qe shumë vite dhe nuk e ka asnjë kilometër të përfunduar! Të mos vazhdojë asnjë metër më tutje ky projekt i rrezikshëm e i dëmshëm për qytetarët e këtij vendi! Përderisa të mos riprojektohet e të riparohen pjesët – segmentet e gjysmë punuara”, ka shkruar ai.
Ai tutje ka thënë se duhet të rregullohen trotuaret, sinjalistika, mbikalimet e nënkalimet.
“Të rregullohen trotuaret, ndriçimi, sinjalistika, mbikalimet, nënkalimet, rrugët ndihmëse në dalje dhe kyçje. Të rregullohen urat me katër korsi, ato të vjetrat janë vetëm me dy korsi. Të rregullohen stacionet e autobusëve sepse rrugë kalon nëpërmes fshatrave ku në afërsi të rrugës ka edhe shkolla e veprimtari të ndryshme afariste”, tha Potera.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.