Prizreni diskuton Kornizën Afatmesme Buxhetore 2020-2022
Gjatë këtij dëgjimi të organizuar me pjesëmarrjen e kryesuesit të Kuvendit Komunal Artan Abrashi, nënkryetares për komunitete Memnuna Ajdini, drejtorëve e asamblistëve komunalë, përfaqësuesve të OJQ-ve e të lagjeve, si dhe të qytetarëve të Komunës së Prizrenit, drejtori i Drejtorisë për Ekonomi dhe Financa Ertan Simitçi bëri prezantimin e KAB-it, i cili përfshin kornizën e planifikimit të buxhetit tre vjeçar të Komunës së Prizrenit.
Më pas pjesëmarrësit patën rastin që t’i paraqesin propozimet dhe kërkesat e tyre lidhur me projektet dhe shërbimet komunale.
Komuna e Prizrenit ka organizuar edhe tetë dëgjime tjera publike rreth KAB-it dhe falënderon të gjithë pjesëmarrësit për kontributin e dhënë në procesin e përpilimit të kësaj kornize, drafti i së cilës do të shqyrtohet nga Kuvendi Komunal në mbledhjen e ardhshme. /InfoKomuna/
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.