Sivjet nis ndërtimi i impiantit për trajtim të ujërave të zeza në Prishtinë
Projekti për ndërtimin e impiantit për trajtimin e ujërave të zeza në rajonin e Prishtinës do të nisë sivjet.
Këtë lajm e kanë dhënë ministrja e Mjedisit, Albena Reshitja, pas një takimi me të parin e kryeqytetit, Shpend Ahmeti, raporton KTV.
Reshitaj ka thënë se ministria që ajo drejton, tashmë ka ndarë 3 milionët e parë për këtë projekt, i cili në total kap vlerën e 86 milionë eurove, prej të cilave 66 milionë euro janë kredi nga Franca.
Po ashtu, ajo ka njoftuar se, me kryetarin Ahmeti, janë dakorduar për ndërtimin e një deponie për mbeturinat inerte në kryeqytet.
Ndërsa Ahmeti tha se kanë biseduar edhe për “Unazën e qytetit”, projekt 50 milionësh, për të cilin ai kërkoi ndihmën e Qeverisë, pasi, sipas tij, komuna nuk ka buxhet për një projekt kaq të madh.
Ahmeti e Reshitaj, thanë se kanë biseduar edhe për përmirësimin e cilësisë së ajrit, ndërtimet pa leje, borxhin qe kjo ministria i ka komunës dhe shtimin e hapësirave të gjelbra në kryeqytet.
Lansohet platforma digjitale për fermerët e Komunës së Gjilanit 14:09 / 03.05.2024 Kryetari i Komunës së Gjilanit, Alban Hyseni, ka njoftuar se tashmë ka përfunduar projekti i dixhitalizimit për sektorin e bujqësisë nga Universiteti "Kadri Zeka", në Gjilan. 
Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.
Kryetari Muharremaj nderoi Heroin e Kosovës, Besim Ndrecaj 14:33 / 03.05.2024 Kryetari i Komunës së Suharekës, Bali Muharremaj, bashkë më bashkëpunëtorë të tjerë komunal, kanë bërë homazhe para shtatores së Heroit të Kosovës Besim Ndrecaj, sot në përvjetorin e rënies. 
Nënshkruhet projekti për ndërtimin e qëndrimit ditor për të moshuarit, kuzhinën popullore dhe bujtinën për studentë në Gjilan 17:03 / 03.05.2024 Kryetari i Komunës së Gjilanit, Alban Hyseni, ka njoftuar se së bashku me Halil Kastratin nga shoqata “Jetimat e Ballkanit” kanë nënshkruar projektin për ndërtimin e qëndrimit ditor për të moshuarit, kuzhinën popullore dhe bujtinën për studentë.