Komuna e Skenderajt ka filluar sot aktivitetet për nder të 17 Shkurtit – Ditës së Pavarësisë së Kosovës
Në kuadër të shënimit të 16 vjetorit të shpalljes së Pavarësisë së Kosovës, Komuna e Skenderajt ka nisur sot aktivitetet festive për ndër të 17 Shkurtit.
Aktivitetet kanë filluar me një program të fëmijëve të Institucionit Parashkollor “Nëna Zahide”, i cili është shfaqur në Qendrën e Kulturës “Hasan Prishtina” në qytet.
Më pas, në palestrën “Ilaz Kodra” nxënësit e shkollave të mesme kanë zhvilluar turnirin në futboll të vogël, ndërsa aktivitetet kanë vazhduar edhe në sheshin “Adem Jashari”, ku nxënësit e shkollës “Shaban Jashari” kanë mbajtur një program artistik, me këngë, valle e recitale.
Kryetari i Komunës, Fadil Nura, me këtë rast u ka uruar fëmijëve Ditën e Pavarësisë dhe një të ardhme të ndritur.
Aktivitetet në kuadër të shënimit të kësaj dite historike, do të vazhdojnë edhe të shtunën më 17 shkurt dhe do të nisin në ora 9 të mëngjesit.
Gëzuar të gjithë qytetarëve Ditën e Pavarësisë!
Nënshkruhet marrëveshja për zgjerimin e rrugës, urave dhe strukturave në segmentin Lëbushë - Qendra e Strellcit 18:12 / 29.04.2024 Sot, kryetari i komunës së Deçanit, Bashkim Ramosaj priti në takim Ministrin e Ministrisë së Mjedisit, Planifikimit Hapësinor dhe Infrastrukturës, Hysen Durmishi.
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.