Suharekë, kërkohet ndërtimi i shtëpive për 14 familje të komunitetit RAE
Kryetari i Komunës së Suharekës, Bali Muharremaj, ka pritur sot në zyrën e tij zv.ministrin e Punës dhe Mirëqenjës Sociale, Besart Jasharin, deputetin e Parlamentit të Kosovësë, Danush Ademin dhe përfaqësues të Komunitetit RAE.
Gjatë takimit u diskutua për gjendjen e këtij Komuniteti si dhe u fol për kërkesën e ndërtimit të shtëpive për 14 familje të komunitetit RAE.
Deputeti Danush Ademi, ka thënë se mjetet për ndërtim janë të siguruara, ndërsa nga Komuna e Suharekës kërkohet të caktoj një lokacion ( pllac ndërtimi) si dhe të rregullojë infrastrukturën.
Kryetari Muharremaj është shprehur i gatshëm të bëjë çdo gjë që ka në kompetenca të veta, mirëpo për caktimin e lokacionit duhet të vendos Asambleja Komunale.
Kështu që së shpejti kërkesa e komunitetit RAE do të del para Asamblesë dhe nëse kjo kërkesë kalon, atëherë do të ndërtohen 7 shtëpi në qytet dhe 7 të tjera nëpër fshatra ku ka më së shumti kërkesa. /InfoKomuna/
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.