Vushtrria dhe Norwalk i SHBA-së lidhin marrëveshje binjakëzimi

Për pjesëmarrje në këtë ceremoni është shprehur i lumtur edhe kryeministri i Kosovës, Ramush Haradinaj, i cili tha se miqësia e Kosovës me SHBA-të daton qysh herët dhe ka lindur në kohëra shumë të rënda për Kosovën, kur SHBA-së i ofruan mbështetje të fuqishme për lirinë e saj.

Këtë marrëveshje e ka përshëndetur edhe gjenerali Ar nga Garda kombëtare e Iowa-së i cili tha se bashkëpunimi i SHBA-ve dhe Kosovës është e shkëlqyeshëm.

Kjo marrëveshje është nënshkruar mes kryetarit të Komunës së Vushtrrisë, Xhafer Tahiri dhe kryetarit të qytetit Norwalk, Tom Philips, të cili po ashtu i është dorëzuar njeherit edhe çelësi i qytetit të Vushtrrisë, pasi që nga Kuvendi i Komunës , është shpallur Qytetarë Nderi i Vushtrrisë.

Këtë marrëveshje Tahiri e ka vlerësuar shumë të rëndësishëm për qytetarët, fermerët, bizneset dhe nxënësit e Vushtrrisë. Derisa homologu i tij nga qyteti i Norwalkut tha se ekipi i tij kanë punuar plotë dy vite për të ardhur deri te zyrtarizimi i kësaj marrëveshje.

Ai ka thënë se me këtë marrëveshje synojnë që të arrijnë bashkëpunim konkret dhe përfitime në zhvillimin ekonomik, lidhje mes dy qeverive komunale, edukim e fusha tjera. /InfoKomuna/