Qeverisja ilegale në komunat “legale”

Ky realitet demanton Prishtinën zyrtare, që flet për integrim të veriut. Është vetë Qeveria e Kosovës ajo që ka folur për brishtësinë e funksionimit të katër komunave të veriut – Mitrovicës Veriore, Zveçanit, Zubin-Potokut e Leposaviqit.

E ka dhënë këtë konstatim në raportin mbi zbatueshmërinë e marrëveshjeve Kosovë-Serbi, të mbërritura në Bruksel. Raporti i referohet periudhës nga 1 janari e deri më 15 qershor dhe ministrja për Dialog, Edita Tahiri, ua ka përcjellë atë autoriteteve të Bashkimit Evropian.