Komuna e Lipjanit organizon Panair për Fuqizimin Ekonomik të Gruas në kuadër të aktiviteteve të 8 marsit
Aktiviteti ka për qëllim avancimin e rolit të gruas në fushën e biznesit dhe njëherësh promovimin e produkteve të prodhuar nga vetë gratë.
Me këtë rast, Nënkryetari i Komunës së Lipjanit, Diamant Bytyqi ka shprehu rëndësinë e këtij panairi duke theksuar se fuqizimi ekonomik i gruas është një objektiv i rëndësishëm i institucioneve tona lokale për zhvillimin ekonomik.
“Panairi për Fuqizimin Ekonomik të Gruas është një nismë për të inkurajuar dhe për të ndihmuar gratë të zhvillojnë biznese të suksesshme, ne e shohim këtë panair si një platformë ku gratë mund të shfaqin kreativitetin e tyre, të promovojnë produktet e tyre dhe të ndërtojnë rrjetet e tyre në botën e biznesit, prandaj është tejet e rëndësishme fuqizimi ekonomik i grave pasi që vetëm në këtë mënyrë do te kontribuojmë në ngritjen dhe zhvillimin ekonomik të vendit tonë”, është shprehur nënkryetari Bytyqi.
Nga ana tjetër, kryesuesja e Grupit të Grave në Lipjan, Hyra Bytyqi, falënderoi të gjithë pjesëmarrësit dhe mbështetësit e këtij panairi për kontributin e tyre në ngritjen e ndërgjegjësimit të nevojës për fuqizimin ekonomik të gruas.
“Me lejoni që fillimisht të falënderoj Kryetarin e Komunës së Lipjanit z. Imri Ahmeti i cili vazhdimisht ka mbështetur iniciativa të cilat gjithmonë kanë pasur për qëllim promovimin e bizneseve të grave por dua ta falënderoj edhe OSBE-en e cila vazhdimisht na mbështete në organizime të tilla”.
Pritet ndërtimi i urës mbi Lumin Sitnica në tri vitet e ardhshme 14:08 / 07.05.2024 Sot, është nënshkruar marrëveshja e mirëkuptimit nga Kryetari i Komunës së Lipjanit, Imri Ahmeti dhe Ministri i Mjedisit, Planifikimit Hapësinor dhe Infrastrukturës, Liburn Aliu për bashkëfinancimin e projektit ndërtimin e urës mbi Lumin Sitncica.