Komuna e Lipjanit përfiton donacion një automjet për Qendrën për Punë Sociale në Lipjan

Kjo iniciativë synon të mbështesë familjet më në nevojë, duke siguruar kështu mbështetje dhe shërbime themelore për ta.

Në ceremoninë e pranim dorëzimit të kësaj veture ishin përfaqësuesit nga Komuna e Lipjanit dhe UNICEF-it.

Përfaqësuesit nga UNICEF, Dren Rexha dhe Donat Rexha falënderuan komunën e Lipjanit për bashkëpunim.

Ndërsa, nënkryetari Diamant Bytyqi dhe Shkelzen Hajdini Drejtor i Shëndetësisë dhe Përkujdesjes Sociale falënderuan UNICEF-in dhe Raiffesen Bank për bashkëpunimin dhe përkrahjen e vazhdueshme.

Po ashtu gjatë ditës së sotme Komuna e Lipjanit ka dhënë në shfrytëzim një veturë Qendrës Kryesore të Mjekësisë Familjare në Lipjan për Shërbimin e Vizitave në Shtëpi, Kujdesin për Nënat dhe Fëmijët deri në moshën 3 vjeçare.