Kryetari Ahmeti ka pritur në takim Drejtoreshën e aktivitetit të USAID-it, Qeverisja e Pronës, Jennifer Ober

Pas këtij takimi nga kompania projektuese u bë edhe prezantimi i draft Hartës Dixhitale të Komunës së Lipjanit, hartë kjo e cila do të lansohet në fund të këtij muaji. Komuna e Lipjanit është komuna e parë në nivel vendi që pritet të lansoj një hartë të tillë.

Harta Dixhitale e Komunës së Lipjanit (Gjeoportali Zyrtar i komunës) është një platformë online e qasshme nga të gjithë qytetarët të cilët mund të informohen në kohë reale për një numër të madh të të dhënave gjeohapsinore zyrtare duke përfshi të dhënat e pronave komunale, urbanizmit, adresat, institucionet, etj., që për qëllim kanë transparencën e komunës tonë në raport me qytetarët.