Kryetari Ahmeti priti në takim përfaqësues të USAID-it nga projekti “Integriteti i Komunave të Kosovës”

Kryetari Imri Ahmeti, ka falënderuar ekipin e USAID-it për bashkëpunimin dhe asistimin në ndërtimin dhe ngritjen e standardeve të punës në menaxhim sa më efikas dhe sipas këtyre rezultateve që u prezantuan po shihet që ka një progres dhe stabilitet në qeverisjen e fushave që përfshin projekti.

Nga ana tjetër, Aferdita Mekuli zëvendës drejtoreshë a aktivitetit të USAID “Integriteti i Komunave të Kosovës” ka falënderuar kryetarin Ahmeti dhe Komunën e Lipjanit për bashkëpunimin e mirë që kanë treguar deri më tani.

Komuna e Lipjanit është në mesin Komunave të përzgjedhura nga USAID për implementimin e projektit “Integriteti i Komunave të Kosovës” që ka për qëllim rritjen e Integritetit dhe llogaridhënies në fushën e procesit të prokurimit, menaxhimit financiar, auditimit të brendshëm dhe menaxhimit të kontratave. Po ashtu edhe në rritjen e përkushtimit ndaj parimeve të qeverisjes së mirë: sundimi i ligjit, transparenca, efiçienca, efektshmëria, reagushmëria, përfshirja dhe pjesëmarrja e qytetarëve.

Rezultatet e gradimit të vlerësuar në 10 tregues dhe 25 nëntregues në fushat e monitoruara, do të pasqyrohen në raportin përfundimtar të hartuar nga ekspertët e USAID-it.