Njoftim për takim publik nga Komuna e Lipjanit

Agjencia e Statistikave të Kosovës është duke realizuar Regjistrimin e Popullsisë, Ekonomive Familjare dhe Banesave dhe në kuadër të përgatitjeve ka filluar me fushatën për sensibilizimin e opinionit publik rreth rëndësisë dhe përfitimeve nga ky proces i rëndësishëm me karakter kombëtar. Pjesë e rëndësishme e fushatës për informimin e qytetarëve janë edhe ngjarjet dhe aktivitetet e parapara në terren, komuna e vendbanime, ku planifikohen të organizohen ngjarje publike në komuna, takime dhe diskutime në universitete dhe kolegje publike e private.

Takimi publik do të mbahet në objektin e Komunës në sallën e Kuvendit të Komunës duke filluar nga ora 10:00 me datë 10.11.2023.