Shpërndahen 380 pajisje bujqësore për fermerët lipjanas
Kjo përkrahje e fermerëve është bërë përmes shpërndarjes së frezave, spërkatësve dhe shpërndarësve të plehut.
Kryetari i Komunës, Imri Ahmeti, gjatë procesit të shpërndarjes së këtyre pajisjeve bujqësore tha se ky lloj subvencionimi ka për qëllim zhvillimin dhe avancimin e bujqësisë në Lipjan.
“Me këtë përkrahje ndaj fermerëve do të avancojmë dhe ta zhvillojnë bujqësinë edhe më tutje, ne do të vazhdojmë që edhe në vitet e ardhshme të mbështesim fermerët tanë me qëllim të lehtësimit në punën e tyre por edhe në rritjen e sasisë dhe cilësisë së produkteve bujqësore, ka thënë ndër të tjera Kryetari Ahmeti, duke shtuar se kjo pasuri le të shërbej që të punohet çdo pëllëmbë tokë.
Ndërsa drejtori i Bujqësisë dhe Pylltarisë, z. Rexhep Rexhepi tha se kjo ndihmë është e mirëseardhur për fermerët lipjanas, të cilët do ta kenë me të lehtë punën në bujqësi.
“Është investua mjaft shumë në infrastrukturë si: shkolla, çerdhe të reja, ura e shumë projekte të tjera por kjo është një ndihmë tjetër e cila do t’i ndihmoj direkt bujkut, gjë e cila do të ndikoj në zhvillimin e komunës”, ka thënë drejtori Rexhepi.
Të lumtur me këtë mbështetje u shprehën edhe fermerët përfitues, ata falënderuan komunën konkretisht Kryetarin Imri Ahmeti i cili për çdo vit po gjenë mundësinë për ti përkrahur ata.
Pritet ndërtimi i urës mbi Lumin Sitnica në tri vitet e ardhshme 14:08 / 07.05.2024 Sot, është nënshkruar marrëveshja e mirëkuptimit nga Kryetari i Komunës së Lipjanit, Imri Ahmeti dhe Ministri i Mjedisit, Planifikimit Hapësinor dhe Infrastrukturës, Liburn Aliu për bashkëfinancimin e projektit ndërtimin e urës mbi Lumin Sitncica.