Mbahet takim informues për Buxhetimin Gjinor në Komunën e Mitrovicës

Pjesë e këtij takimi ishte edhe drejtoresha për Mirëqenie Sociale, Drita Ibrahimi, asambleiste si dhe zyrtare të komunës së Mitrovicës.

Qëllimi i takimit ishte që të pranishmit të informohen se si komuna mbështet gratë dhe se si arrin të realizojë buxhetimin e përgjegjshëm gjinor përmes subvencioneve.

Në këtë takim, drejtoresha Drita Ibrahimi prezantoi punën e drejtorisë së Mirëqenies Sociale, duke theksuar ndër të tjera përkrahjen për qytetarët në nevojë, përfshirë nënat vetushqyese, viktimat e fatkeqësive natyrore dhe organizatat joqeveritare.

Në këtë kontekst, u diskutua se si drejtoria e Mirëqenës Sociale mund të përdorë buxhetimin gjinor për të përmbushur nevojat e komunitetit në mënyrë të drejtë dhe efikase.