Përfaqësues të KFOR-it zviceran vizituan Drejtorinë për Shëndetësi në Mitrovicë

Drejtori Shabani ka prezantuar të arriturat dhe sfidat kryesore të shëndetësisë në Komunën e Mitrovicës dhe shtoi se realizimi i objektivave kryesore të Drejtorisë për Shëndetësi dhe Komunës së Mitrovicës po shkon mirë dhe sipas planit.

Përfaqësuesit e KFOR-it zviceran vlerësuan ndryshimin pozitiv të shëndetësisë primare në Mitrovicë në dy vitet e fundit duke deklaruar se këtë e kanë vërejtur edhe gjatë vizitës në QKMF, QMF dhe AMF por edhe në bisedat e përditshme me qytetarët dhe përfaqësuesit e lagjeve të fshatrave dhe të komuniteteve.

Përfaqësuesit e KFOR-it zviceran mirëpriten kërkesën e Drejtorit Shabani për organizimin e trajnimeve të përbashkëta të personelit shëndetësor të KFOR-it dhe personelit shëndetësor të QKMF-së, sidomos në fushën e mjekimit urgjent.