Është mbajtur seancë e jashtëzakonshme e Kuvendit të Komunës së Obiliqit

Mbledhjen e hapi Kryesuesja e Kuvendit, Vlora Mjekiqi Kabashi, e cila shpalosi rendin e ditës.

Për këtë mbledhje është propozuar ky:

REND DITE

1.Shqyrtimi i kërkesës lidhur me shpronësimin e pronave të pronarëve fizik (banorëve nga fshati Siboc, konkretisht lagjet Mexhuani dhe Kongjeli) nga KEK-u dhe Qeveria.

Në këtë  takim ishin të pranishëm përfaqësuesit e dy lagjeve Mexhuani dhe Kongjeli.

Gjatë kësaj seance të jashtëzakonshme është formuar një komision për të trajtuar kërkesat e qytetarëve, rreth shpronësimit të pronarëve fizik, në fshatin Siboc nga KEK-u dhe Qeveria.

Komisioni përbehet nga:

Jeton Mjekiqi, Xhelal Krasniqi dhe Sami Ahmeti, Kryetari i fshatit, Afrim Mexhani dhe Zyrtari Ligjor nga Komuna e Obiliqit, Berat Mehmeti.
Ky komision do të punoj me qytetarët dhe kërkesat do të adresohen në Qeveri dhe Ministritë  Financave dhe Kek-ut.
Kryetari Gashi, ka shprehur shqetësimin e tij, lidhur me shpronësimin e lagjeve Kongjeli dhe Mexhuani, duke bërë thirrje për unitet të përbashkët, qytetarët në këto momente kanë nevojë për ndihmë dhe  ka shprehur  gatishmërinë e tij për mbështetje të qytetarëve.