Kuvendi i Komunës së Obiliqit aprovon buxhetin për vitin 2024

Mbledhjen e hapi Kryesuesja e Kuvendit Komunal, Vlora Mjekiqi Kabashi, e cila shpalosi rendin e ditës dhe pas miratimit të pikave të propozuara është vijuar me trajtimin e tyre.

Për këtë mbledhje është propozuar ky:
Rend Dite

1.Arsyetimi për mungesë,
2.Miratimi i ekstraktit të procesverbalit nga mbledhja e kaluar,
3.Shqyrtimi i Planit Lokal të Veprimit për Cilësi të Ajrit,
4.Planifikimi i buxhetit për vitin 2024 dhe parashikimet për vitet 2025-2026,
5.Shqyrtimi i kërkesave,
6.Të ndryshme.

Me një minutë heshtje për policin e vrarë në kryerje të detyrës në veri të vendit, Heroin Afrim Bunjaku, filloi  mbledhja e rregullt të Kuvendit Komunal të Obiliqit. Në pikë e 4-të të rendit të ditës është bërë shqyrtimi dhe  është miratuar buxheti për vitin 2024, i cili në total (për të gjitha kategoritë buxhetore) është: 14,248,389.00 € , ky është buxheti më i madh i miratuar ndonjëherë në Komunën e Obiliqit.

Me 13 vota PËR, 4 KUNDËR dhe 4 ABSTENIM, anëtarët e Kuvendit Komunal në Obiliq, miratuan buxhetin për vitin 2024, i cili ka në fokus, vazhdimësinë e punëve të mira dhe qeverisjen e përgjegjshme, përkrahjen e bujqësisë dhe fermerëve, përkrahjen e kulturës, rinisë dhe sportit, përkrahjen e bizneseve të reja dhe ekzistuese, vazhdimin e realizimit të projektit të koogjenerimit, realizimi i projekteve infrastrukturore dhe ngritjen e cilësisë së shërbime publike, ngritja e cilësisë në arsim dhe ofrimi i shërbimeve sa më cilësore shëndetësore.

Kryetari Gashi, falënderoi anëtarët e Kuvendit Komunal për kontributin që dhanë në votimin e buxhetit për 2024 dhe të parashikimeve për vitet, 2025 dhe 2026 si dhe të gjithë ata që janë përfshirë në këtë proces shumë të rëndësishëm!