Kryetari Rama njofton për investime e realizim projektesh në Stacionin e Autobusëve

Njoftimi i plotë i kryetarit Rama:

Vizituam Ndërmarrjen Publike të Kryeqytetit, Stacioni i Autobusëve Prishtine ku patëm mundësinë të shohim nga afër përpjekjet dhe investimet që janë  duke u bërë për të përmirësuar infrastrukturën rrugore dhe shërbimet e ofruara. Edhe këtë vit vazhdojmë me super investime, të cilat përfshijnë modernizimin e hapësirave, përmirësimin e sistemit të informacionit për udhëtarët dhe zbatimin e teknologjive të reja për një qëndrim më të rehatshëm dhe të sigurt për të gjithë vizitorët.

Projekti i madh për krijimin e Terminalit të Ri do të prezantohet në KONFERENCËN E INVESTITORËVE, e cila do të mbahet këtë fillimvit.

Po punojmë me shumë përkushtim që të  rrisim standardet e transportit publik dhe kontribuojnë në një qytet më të qëndrueshëm dhe të aksesueshëm.