Kuvendi Komunal i Prizrenit mban mbledhjen e radhës

Gjatë kësaj mbledhjeje u shqyrtuan, diskutuan dhe miratuan këto pika të cilat i ka rekomanduar edhe Komiteti për Politikë dhe Financa (KPF):

1. Shqyrtimi dhe miratimi i procesverbalit të datës 26 tetor 2023;
2. Shqyrtimi dhe miratimi i Rendit të Ditës;
3. Pyetjet e kuvendarëve dhe ngritja e çështjeve të ndryshme;
4. Shqyrtimi dhe miratimi i propozim-vendimit për formimin e grupit punues për hartimin e planit të punës së Kuvendit, për vitin 2024;
5. Shqyrtimi dhe miratimi i propozim-vendimit për caktimin e normave tatimore për tatimin në pronën e paluajtshme, për vitin 2024;
6. Shqyrtimi dhe miratimi i propozim-vendimit për shqyrtim publik të planit rregullues të hollësishëm “Zona e parkut për industri të lehtë në Prizren – Parku i Biznesit”;
7. Shqyrtimi dhe miratimi i propozim-vendimit për emërimin e komisionit për përzgjedhjen e këshillave lokale;
8. Shqyrtimi dhe miratimi i propozim-vendimit për emërimin e komisionit të ankesave (lidhur me procesin e përzgjedhjes së këshillave lokale);
9. Shqyrtimi dhe miratimi i propozim-vendimit për anulimin e Rregullores Nr.001/011-141488 të datës 28.09.2023 për Bonuset e Zonimit;
10. Shqyrtimi dhe miratimi i propozim-vendimit për dhënien në shfrytëzim afatgjatë të pronës së paluajtshme të Komunës me negocim;
11. Informatë mbi ndarjen e subvencioneve nga Drejtoria e Turizmit dhe Zhvillimit Ekonomik, për vitin 2023;
12. Informatë mbi ndarjen e subvencioneve nga Drejtoria e Bujqësisë dhe Zhvillimit Rural, për vitin 2023;
13. Informatë mbi ndarjen e subvencioneve dhe ndihmave nga Drejtoria e Punës dhe Mirëqenies Sociale, për vitin 2023.

Me kërkesë të anëtarëve të Kuvendit nga komuniteti boshnjak dhe me votim të shumicës u largua nga rendi i ditës pika “Shqyrtimi dhe miratimi i propozim-vendimit për anulimin e vendimit nr.001/011-136800 dt. 22.09.2022 mbi shpalljen e interesit të përgjithshëm publik”.

Gjatë mbledhjes, anëtarët e Kuvendit kërkuan që pika “Shqyrtimi dhe miratimi i propozim-rregullores për ndryshimin dhe plotësimin e Rregullores Nr. 001/011-99275 dt. 30.06.2022 për taksa komunale”, të shtyhet për mbledhjen e radhës.