Mbahet konsultimi publik për Projekt-Planin Lokal të Veprimit për Cilësi të Ajrit 2023-2027 në Komunën e Rahovecit

Në këtë konsultim kanë marrë pjesë, Drejtori i Drejtorisë për Planifikim, Urbanizëm dhe Mbrojtje të Mjedisit, Albnor Mullabazi, Grupi Punues i Hartimit të PLVCA-së, organizatat jo-qeveritare, ekspertë të fushave të ndryshme dhe qytetarë.

Drejtori Albnor Mullabazi, në fjalën hyrëse ka falënderuar të pranishmit dhe grupin punues që kanë kontribuar në hartimin e këtij plani, dhe ka vlerësuar se me hartimin dhe miratimin e Planit Lokal të Veprimit për Cilësi të Ajrit, do të definohen veprimet për menaxhimin e cilësisë së ajrit në nivel lokal.

Të pranishmit kanë dhënë komentet dhe vërejtjet e tyre lidhur me Planin Lokal të Veprimit për Cilësi të Ajrit, i cili është dokument planifikues-strategjik, për të adresuar zgjedhjen e problemeve të cilësisë së ajrit në nivel lokal për periudhën pesë vjeçare, 2023-2027.

Për detaje të tjera do të njoftoheni me publikimin e procesverbalit dhe raportit nga konsultimi publik në këtë link: https://kk.rks-gov.net/.../cate.../konsultime-publike-al/...