Mbahet mbledhja e radhës e Këshillit Komunal për Siguri në Bashkësi në Komunën e Shtimes

Fillimisht, anëtarët e pranishëm të KKSB-së i ka përshëndetur nënkryetari i Komunës, Faruk Beqa, i cili në vazhdim kërkoj aprovimin e procesverbalit të mbledhjes së kaluar dhe më pas i njoftoi edhe me rendin e ditës.

Ndërsa, komandanti i Stacionit të Policisë në Shtime, Haxhi Behluli ka prezantuar ngjarjet që kanë ndodhur gjatë periudhës tetëmujore dhe ka raportuar para anëtarëve të KKSB-së.

Për pikën e dytë të rendit të ditës, që kishte të bënte rreth aktiviteteve të Drejtorisë së Shërbimeve Publike, ka informuar të pranishmit drejtori i këtij dikasteri, Bardhyl Rushiti.

Po ashtu, anëtarët e KKSB-së paraqitën vërejtjet e tyre me dukuritë që i shqetësojnë qytetarët e komunës së Shtimes.