Llapi me rikthim mposht Trepçën ’89
Klubi Futbollistik Llapi ka arritur të shënojë fitore si mysafir i Trepçës ’89 në Mitrovicë.
Fillimisht Llapi u gjend në disavantazh në minutën e 43’, pasi nga penaltia Arb Manaj i dhuroi epërsinë vendasve.
Me rezultat 1-0 në favor të Trepçës ‘89 përfundoi pjesa e parë në Riza Lushta të Mitrovicës.
Dy gola krejt në fund të ndeshjes ishin vendimtar që Llapi të kthehet në shtëpi me tri pikë të plota.
Në minutën e 82’, Ersil Ymeri barazoi rezultatin, teksa dy minuta më vonë Egzon Krasniqi realizoi për t’i dhuruar fitoren ekipit nga Podujeva.
Me këtë fitore, Llapi arrin në kuotën e 31 pikëve në pozitën e gjashtë, kurse Trepça ’89 një pozitë më poshtë me 27 pikë të tubuara.
Në ndeshjen e radhës, Llapi pret në Zahir Pajaziti Gjilanin, kurse Trepça ’89 udhëton në Ferizaj.