Aksident i rëndë në Mitrovicë, humb jetën një 37 vjeçar
MitrovicëPostuar: 09:26 / 08.09.2017
Një person rreth 37 vjeçar, identiteti i të cilit akoma nuk dihet, ka humbur jetën gjatë një aksidenti që ka ndodhur sot rreth orës 5:00 të mëngjesit në rrugën Mitrovicë-Skenderaj, përkatësisht tek fshati Lushtë.
Dyshohet se viktima ka humbur kontrollin mbi automjetin dhe ka dal nga rruga kryesore, duke u përplasur në greminë.Lajmin e ka konfirmuar për KosovaPress, zëdhënësi i policisë për rajonin e Mitrovicës, Avni Zahiti.
Sipas tij, policia dhe ekipet mjekësore kanë dal menjëherë në vendngjarje, me ç’rast kanë konstatuar vdekjen e viktimës, ndërsa po punohet në zbardhjen e plotë të ngjarjes. Ai nuk ka dhënë detaje shtesë.