Aksion në Shtime pë heqjen e mishit pa afat nga tregu

Gjatë aksionit është bërë asgjësimi i një sasie produktesh dhe për të njëjtat, bazuar në ligjet në fuqi, ka iniciuar procedurë pranë organeve gjyqësore, raporton InfoKomuna.

"Inspektorati ka marrë masa të menjëhershme në aspektin e largimit nga tregu të produkteve të dyshimta dhe mund të informojmë qytetaret që në Komunën e Shtimes nuk ka prezencë të mishit me origjinë të dyshimtë", thonë zyrtarët komunalë të Shtimes.

"Megjithatë Drejtoria e Shërbimeve Publike fton të gjithë qytetarët që të na japin informata nëse eventualisht hasin në ndonjë produkt me afat të skaduar për arsye se Drejtoria ka numër të kufizuar të inspektorëve për të mbuluar të gjithë Tregun".

Inspektorati do të vazhdojë t'i kontrollojë dhe mbikëqyrë subjektet afariste që ofrojnë produkte ushqimore me qëllim të mbrojtje të konsumatorëve. /InfoKomuna/