DEMOS dhe Komuna analizojnë treguesit e performancës për arritje të reja për vitin 2018
Kryetari i Komunës Besim Ilazi, priti në takim zyrtarët nga Projekti DEMOS, Fatime Rrahmani dhe Dardan Maliqi, me të cilët u diskutua procesi i performancës dhe u bë analiza e treguesve të performancës.
Në takim u prezantuan arritjet e Komunës për vitin 2017, në tri fushat Qeverisje Demokratike, Menaxhimi Komunal dhe Transparenca dhe Integriteti, ndërsa u shqyrtuan mundësitë për përmirësimin edhe të disa treguesve për arritje më të larta për vitin 2018.
Komuna e Kaçanikut është radhitur në mesin e pesë komunave, për performancë të treguar në tri fushat , Qeverisja Demokratike, Menaxhim Komunal si dhe Transparencë dhe Integritet. Komuna e Kaçanikut ka marrë gjithsej 60 pikë nga komisioni vlerësues nga MAPL dhe DEMOS, duke hyrë në mesin e pesë komunave me performancën më të mirë të treguar për vitin 2017.
Sipas raportit të vlerësimit të performancës për vitin 2017, komunat me performancën më të lartë në treguesit e performancës në temën ‘Qeverisja Demokratike’ janë: Komuna e Junikut, Komuna e Kaçanikut dhe Komuna e Lipjanit.
Këto komuna kanë fituar gjithsej 29 pikë nga 37 pikë të mundshme (78.4%), ndërsa
komunat me performancën më të lartë në temën ‘Transparenca dhe Integriteti’ janë: Komuna e Junikut, Komuna e Kaçanikut dhe Komuna e Shtërpcës. Këto komuna kanë fituar gjithsej 13 pikë nga 13 pikë të mundshme (100%).
Komuna e Kaçanikut është përzgjedhur sërish fituese e Grantit të Performancës për vlerësimet e vitit 2017, nga Ministria e Administrimit dhe Pushtetit Lokal dhe projekti DEMOS, bazuar në tre kriteret gjatë vitit 2017:
a) Raporti i Auditimit i Pamodifikuar,
b) Realizimi i Investimeve Kapitale mbi 75% te mjeteve buxhetore dhe
c) Arritja e marrëveshjes trepalëshe.
Përmirësimi i Raportit të Auditimit me më pak rekomandime si dhe përmbushja e kritereve të tjera dhe funksionimi i mirë i administratës komunale, ka bërë të mundur që shuma e grantit të rritet krahasuar me grantin paraprak sa ishte 84, 132 euro, duke u rritur tani në 104,268.95.
Kryetari Besim Ilazi, bëri të ditur se mjetet e fituara do të shpenzohen për investime dhe projekte kapitale infrastrukturore, duke u bazuar në prioritetet dhe nevojat emergjente, që do të përmirësoj mirëqenien qytetare. /InfoKomuna/
Lansohet platforma digjitale për fermerët e Komunës së Gjilanit 14:09 / 03.05.2024 Kryetari i Komunës së Gjilanit, Alban Hyseni, ka njoftuar se tashmë ka përfunduar projekti i dixhitalizimit për sektorin e bujqësisë nga Universiteti "Kadri Zeka", në Gjilan. 
Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.
Kryetari Rama: Spitali i Kryeqytetit po bëhet 10:41 / 03.05.2024 Kryetari i Prishtinës, Perparim Rama, përmes një postimi në rrjetet sociale, ka njoftuar se sot, ka zhvilluar një takim ku është diskutuar rreth detajeve finale të projektit të Spitalit të Kryeqytetit.
Kryetari Muharremaj nderoi Heroin e Kosovës, Besim Ndrecaj 14:33 / 03.05.2024 Kryetari i Komunës së Suharekës, Bali Muharremaj, bashkë më bashkëpunëtorë të tjerë komunal, kanë bërë homazhe para shtatores së Heroit të Kosovës Besim Ndrecaj, sot në përvjetorin e rënies.