Diskutohet për problemet me infrastrukturë të komunitetit jo shumicë në Orllan

Në mbledhjen e rregullt të Komitetit për Komunitete, kryesuesja Avdiu prezantoi një informatë rreth vizitës së anëtarëve të Komitetit për Komunitete, realizuar familjeve të komuniteteve jo shumicë në fshatrat Batllavë dhe Orllan.

Ndërsa, udhëheqësi i Zyrës për komunitete dhe kthim, Liman Zeqiri dhe anëtari i komunitetit Mefail Rama, gjatë diskutimeve të tyre prezantuan një raport me kërkesat dhe nevojat e pjesëtarëve të këtyre komuniteteve, kërkesa këto të cilat kryesisht kanë të bëjnë me gjendjen ekonomike dhe disa kërkesa infrastrukturore.

Kërkesa këto të cilat do të dërgohen në drejtoritë përkatëse të Komunës së Podujevës.
Me theks të veçantë në raport u prezantuan problemet me infrastrukturë me të cilat përballen, pjesëtarët e këtij komuniteti në fshatin Orllan.

Në fund të takimit u vendos që anëtarët e Komitetit bashkë  me kryesuesen të dalin për vizita familjeve të komuniteteve jo shumicë me gjendje jo të mirë ekonomike, për t’i listuar ato dhe pastaj për të gjetë forma të përkrahjes për ta. /InfoKomuna/