Gjilani nis me kontrollat sistematike për nxënës të shkollave fillore

GjilanPostuar: 16:34 / 20.02.2018

Qendra Kryesore e Mjekësisë Familjare e Gjilanit ka nisur sot me kontrollat sistematike të nxënsve të shkollave fillore, përkatësisht nxënësit e klasëve të para, të pesta dhe të nënta.

Procesin e fillimit të kontrollave sistematike e kanë parë nga afër drejtori i Shëndetësisë, Nexhat Hajrullahu dhe ai i QKMF-së, Fejzulla Berisha, raporton InfoKomuna.

“Kontrollat do të zgjasin pesë muaj duke përfshirë të gjitha shkollat fillore të komunës së Gjilanit. Janë të paraparë gjithsej 30 parametra për ekzaminim nga ekipi mjekësisë familjare si dhe ekipi i stomatologjisë sa i përket shendetit oral. Rezultatet e fituara do t’i prezentojmë në fund të ktyre kontrollave dhe do t’i krahasojmë me vitet e tjera paraprake për të ardhur në përfundim me rekomandime të caktuara si kujdes parësor shendetësor”, ka thënë me këtë rast drejtori i Qendrës Kryesore të Mjekësisë Familjare, Fejzulla Berisha.

Ky është viti i katërt me radhë që Komuna e Gjilanit i realizon kontrollat sistematike për nxënësit e shkollave fillore, gjithnjë në të mirë të shëndetit të tyre. /InfoKomuna/

PrishtinëKomente: 0 Kryetari Rama: Spitali i Kryeqytetit po bëhet 10:41 / 03.05.2024 Kryetari i Prishtinës, Perparim Rama, përmes një postimi në rrjetet sociale, ka njoftuar se sot, ka zhvilluar një takim ku është diskutuar rreth detajeve finale të projektit të Spitalit të Kryeqytetit.
VitiKomente: 0 Vitia po shënon ditën e lirisë së shtypit 14:13 / 03.05.2024 Me rastin e 3 Majit- Ditës Ndërkombëtare të Lirisë së Shtypit, udhëheqës Institucional në krye me kryetarin e komunës së Vitisë, Sokol Haliti, përfaqësues të ambasadës britanike, policisë, KFOR-it, Klubit Rotarian, gazetarë të nivelit lokal e qendror...