Instituti KLGI, nisi platformën dhe rrjetin e lidershipit transformues në nivel lokal

Diskutimi i parë trajtoi, ‘Rolin e shoqërisë civile në fuqizimin e demokracisë lokale dhe avancimin e politikave publike’. Platforma do të vazhdojë me një seri diskutimesh për ‘Lidershipin Transformues’, duke përfshirë edhe praktika dhe modele.

Në diskutimin e parë, prezantuan, Dren Puka, Fondacioni KCSF dhe Donika Emini, Platforma CIVIKOS mbi konceptet, organizimin dhe praktikat, njëkohësisht u zhvillua diskutim mes pjesëmarrësve. Kjo platformë dhe rrjet ka fokus nxitjen e profesionistëve të rinj për angazhim, dhe rritjen e pronësisë në politikat lokale. Për akterët, Instituti KLGI do të nxjerrë udhëzuesin praktik për ‘lidershipin tranfomues në nivel lokal’.

Vlerësohet esenciale që niveli lokal të avancojë modelin e synuar, për këtë, përtej akterëve institucionalë, kërkohet sinergji edhe nga akterët tjerë socialë e publikë për të fuqizuar në themel frymën evropiane të qeverisjes lokale.

Platforma shtrihet në kuadrin e komponentës së katërt të programit, që ka për synim zgjerimin e pjesëmarrjes së profesionistëve të rinj në qeverisje lokale.

Ky aktivitet realizohet në kuadër të projektit ‘Mbështetje për Komuna më të Forta dhe më të Qëndrueshme (SSSM)’ i financuar nga Ambasada e Mbretërisë së Norvegjisë në Kosovë.