Komuna e Vushtrrisë siguron nxënësit e shkollës Teknike dhe Profesionale që po kryejnë praktikën
Mbi 1100 nxënës të dy shkollave të mesme, Shkollës së Mesme Teknike “Lutfi Musiqi” dhe Shkollës së Mesme Profesionale “Bahri Haxha” të qytetit të Vushtrrisë, nga ky muaj janë bërë me sigurim shëndetësor gjatë kohës që ata kryejnë praktikën profesionale. Shpenzimet e sigurimit shëndetësor të nxënësve që kryejnë praktikën mbulohen nga buxheti i Komunës.
Përmes një ceremonie, kartelat e para të sigurimit shëndetësor nxënësve u janë ndarë sot nga kryetari i Komunës, Xhafer Tahiri, i cili tha se Komuna e Vushtrrisë po e ndërton një politikë të re që është e vetmja në gjithë Kosovën.
“Vushtrria bëhet Komuna e parë që siguron nxënësit e shkollave profesionale përgjatë mësimit në punë-praktikës profesionale. Kjo politikë e re në arsim ka për qëllim avancimin e arsimit profesional dhe më e rëndësishmja afrimin e nxënësit me punëdhënësin”, ka thënë Tahiri.
Drejtori i arsimit në Komunën e Vushtrrisë, Afrim Namai, thotë sigurimi shëndetësor për nxënësit, është bërë për shkak të mbrojtjes së nxënësve gjatë punës së tyre praktike, për të cilën thotë se është një standard i ri që Komuna e Vushtrrisë po e zbaton në shkollat e sajë. /InfoKomuna/
Nënshkruhet projekti për ndërtimin e qëndrimit ditor për të moshuarit, kuzhinën popullore dhe bujtinën për studentë në Gjilan 17:03 / 03.05.2024 Kryetari i Komunës së Gjilanit, Alban Hyseni, ka njoftuar se së bashku me Halil Kastratin nga shoqata “Jetimat e Ballkanit” kanë nënshkruar projektin për ndërtimin e qëndrimit ditor për të moshuarit, kuzhinën popullore dhe bujtinën për studentë.
Kryetari Muharremaj nderoi Heroin e Kosovës, Besim Ndrecaj 14:33 / 03.05.2024 Kryetari i Komunës së Suharekës, Bali Muharremaj, bashkë më bashkëpunëtorë të tjerë komunal, kanë bërë homazhe para shtatores së Heroit të Kosovës Besim Ndrecaj, sot në përvjetorin e rënies. 
Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.
Kryetari Rama: Spitali i Kryeqytetit po bëhet 10:41 / 03.05.2024 Kryetari i Prishtinës, Perparim Rama, përmes një postimi në rrjetet sociale, ka njoftuar se sot, ka zhvilluar një takim ku është diskutuar rreth detajeve finale të projektit të Spitalit të Kryeqytetit.