Kryetari Begaj priti në takim Ambasadorin e Shqipërisë, Qemal Minxhozi

Kjo vizitë kishte karakter pune, përkatësisht bashkëpunimin në mes të Komunës së Malishevës dhe qyteteve në Shqipëri, në fushën e kulturës dhe organizimeve të përbashkëta me Ambasadën e Shqipërisë në Kosovë.

Begaj dhe Minxhozi, u dakorduan për zhvillimin e aktiviteteve të përbashkëta në mes Komunës së Malishevës dhe Ambasadës Shqiptare, për data dhe për ngjarje me rëndësi historike dhe kulturore, me qëllim të thellimit të bashkëpunimit, "pasi jemi një popull dhe kemi një kulturë të përbashkët".

Kryetari Begaj, shprehi gatishmërinë e plotë të Komunës së Malishevës, me qëllim të thellimit të bashkëpunimit dhe të zhvillimit të aktiviteteve të përbashkëta, në të gjitha fushat e jetës dhe të shkëmbejmë përvojat me të gjitha qytetet në Shqipëri. /InfoKomuna/