Mbyllen katër lojëra të fatit në Lipjan

Inspektorati i Lipjanit prej më shumë se 2 javë është duke i shikuar mundësitë ligjore për mbylljen e këtyre objekteve. Imer Rrustemi ka deklaruar se të enjten, është mbyllur një bastore në rrugën “Zylfie Gashi”, dy kazino në rrugën “Isa Olluri” dhe një bastore përballë Qendrës Kryesore të Mjekësisë Familjare.

“Të gjitha këto objekte të lojërave të fatit kanë një afërsi me shkollën më pak se 400 metra. Ne do të vazhdojmë që këto bastore dhe objektet e lojërave të fatit t’i largojmë nga qyteti sipas ligjit sepse interesi jonë është mbrojtja e qytetarëve e pikërisht mbrojtja e fëmijëve derisa këto objekte janë joshëse për gjeneratat e reja”, ka thënë Rrustemi.