Kryetari Hamza priti në vizitë një delegacion nga Vlora
MitrovicëPostuar: 11:43 / 17.02.2024
Me rastin e 16-vjetorit të Pavarësisë së Kosovës, kryetari i Komunës së Mitrovicës, Bedri Hamza, ka pritur në takim një delegacion nga Vlora, në krye të të cilit ishte kryetari i Bashkisë së Vlorës, Ermal Dredha.
Në këtë takim, të dy kryetarët kanë shprehur urimet e tyre për festën e Pavarësisë dhe kanë vlerësuar rrugëtimin e gjatë të Kosovës në drejtim të shpalljes së saj si shtet i pavarur.
Gjatë këtij takimi, u shprehën dhe dëshira për thellimin e bashkëpunimit mes të dy komunave për të ndërtuar lidhje të ngushta në fushat e interesit reciprok.