Në Gjakovë: Ujërat marrin edhe “Shtëpinë muze” të Ferdonije Qerkezit

Reshjet e mbrëmshme kanë përmbytur “Shtëpinë muze” të Ferdonije Qerkezit në Gjakovë.

Shtëpia e Ferdonije Qerkezit, të cilës gjatë luftës së fundit në Kosovë humbi bashkëshortin dhe tre djemtë ka kohë që është shndërruar në muze.

Sipas pamjeve, uji ka përmbytur pjesën e poshtme të shtëpisë, ndërsa Qerkezi në një paraqitje në këtë televizion ka thënë se përmbytja ka filluar mbrëmë rreth orës 20:00.

“Prej orës 20:00 mbrëmë ka filluar kthimi i kanalizimit, deri sot në mëngjes. Sot këto orë ka fillu me u largue, por siç po e shihni ka shkaktue disa dëme”.

Sipas saj, deri tashti nuk ka pranuar ndonjë ndihmë nga Komuna e Gjakovës, por që shpreson që pasi të largohet uji nga shtëpia, t’i dalë në ndihmë ndokush./Klankosova/