Nënkryetari Berisha premton përkrahje për aktivitetet rinore

Kryetari i Qendrës Rinore, Amrush Helshani, e ka njoftuar nënkryetarin Berisha për aktivitetet e Qendrës Rinore, rezultatet e arritura dhe sfidat me të cilat përballet kjo organizatë rinore, si dhe punën vullnetare që bëhet nga aktivistët e saj, përcjell InfoKomuna.

Pas kësaj, nënkryetari i Komunës së Malishevës, Hajdin Berisha, ka thënë se "Komuna e Malishevës, do të vazhdojë të përkrahë aktivitetet rinore, edhe gjatë këtij viti, sikur edhe viteve tjera".

"Rinia është pasuria më e madhe që e ka Komuna e Malishevës, prandaj edhe përkrahja për zhvillimin e aktiviteteve rinore, nuk do të mungoj. Rinia, kultura dhe sporti, janë prioritet i yni dhe përmes drejtorisë komunale, të gjitha aktivitetet do të përkrahen, pasi kjo është rruga më e mirë për zhvillimin e një shoqërie të shëndoshë dhe aktive", tha Berisha, i cili i ka falënderuar të gjithë vullnetarët dhe aktivistët e rinisë, për punën që janë duke bërë. /InfoKomuna/